ბობა ფეტი

ვარსკვლავური ომების ლეგენდებთან დაკავშირებული ეს სტატია შეიცავს ინფორმაციას, რომელზეც გავლენას ახდენს პროექტი კლონების ომები.

ლეგენდების კლონების ომების ახალი ქრონოლოგია Lucasfilm-ს არ ეკუთვნის.

ამ სტატიაში მოთხრობილი მოვლენების ზუსტი ქრონოლოგია ამჟამად უცნობია.

ბობა ფეტი

ბიოგრაფიული ინფორმაცია

წარმოშობა

კამინო

დაბადება

31.5 იბ (3),^[1] კამინო^[2]

გარეგნობა

რასა

ადამიანები^[2] (კლონი)

სქესი

მამრობითი^[2]

სიმაღლე

1.83 მეტრი^[3]

წონა

40 კილოგრამი (ბავშვობისას)^[4]
78.2 კილოგრამი (მოზრდილი)^[5]

თმა

შავი^[2]

თვალები

თაფლისფერი^[2]

კანი

მუქი^[2]

ოჯახი

ოჯახ(ებ)ი

ფეტები^[6]^[7]

მშობელი ან მშობლები

ჯენგო ფეტი (კლონი)^[2]

პარტრნიორ(ებ)ი

სინტას ველი^[8]

შვილ(ებ)ი

ეილინ ველი^[8]

ქრონოლოგიური და პოლიტიკური ინფორმაცია

კავშირი

დამოუკიდებელი სისტემების კონფედერაცია^[9]
დაქირავებული დამცველები^[10]
გალაქტიკური იმპერია (როგორც დაქირავებული მეომარი)^[11]
ჯაბა დესილიჯიკ ტიურეს კრიმინალური იმპერია (როგორც დაქირავებული მეომარი)^[12]
ჯილდოზე მონადირეთა გილდია (როგორც ჩანერგილი)^[13]^[14]
აღდგენილი იმპერია (როგორც დაქირავებული მეომარი)^[15]^[16]
მანდალორელი^[17]
- მანდალორელი დამცველები^[18]
იუუზან-ვონგების იმპერია (როგორც ჯაშუში)^[19]
თავისუფალი ალიანსების გალაქტიკური ფედერაცია
- ჯედაების კოალიცია^[20]

მასწავლებელი

ჯენგო ფეტი^[21]^[22]
ორა სინგი^[23]^[24]^[25]
ლენოვარი^[17]^[26]

შეგირდ(ებ)ი

მირტა გევი^[17]
ჯეინა სოლო ფელი (ბრძოლის შესწავლა)^[26]

ბობა ფეტი იყო მანდალორელი მეომარი და ჯილდოზე მონადირე ფეტების კლანიდან. იგი იყო ჯენგო ფეტის ერთადერთი უცვლელი კლონი, შემქნილი იავინის ბრძოლამდე 32 წელს როგორც ერთეული A0050, ერთ-ერთი ფეტის პირველი ასლებიდან, რომლებიც შექმნეს რესპუბლიკის დიადი ჯარისთვის, აღზრდილი როგორც ჯენგოს ვაჟი. ჯენგომ მას ბევრი რამ ასწავლა, წვრთნიდა როგორც მომავალ ჯილდოზე მონადირეს, ისევე, როგორც ოდესღაც მას მამა ამზადებდა. იავინის ბრძოლამდე 22 წელს ჯენგო დაიღუპა ჯეონოსისის ბრძოლისას, რომელსაც მოჰყვა კლონების ომების დაწყება. ჯერ კიდევ ვიჭუნა, ბობა იძულებული იყო, თავად ეზრუნა საკუთარ თავზე და გალაქტიკაში ემოგზაურა. მოგვიანებით იგი ჯილდოზე მონადირე გახდა და ასრულებდა ჰატ ჯაბას მსგავს დამნაშავეთა დავალებებს და ადრეული ასაკიდანვე სახელი გაითქვა.

როდესაც იავინის ბრძოლამდე 19 წელს შეიქმნა იმპერია, ფეტისთვის იგი ყველაზე ხელსაყრელ გარემოს წარმოადგენდა. ამ პერიოდში მან იქორწინა სინტას ველთან და ჰყავდა ქალიშვილი, ეილინი. ფეტი შემდგომი ათწლეულებში ცნობილი იყო როგორც გალაქტიკის საუკეთესო ჯილდოზე მონადირე და ხშირად ასრულებდა იმპერიის დავალებებს. რამდენიმეჯერ იგი დართ ვეიდერთან თანამშრომლობდა და სითი ლორდს მისდამი ერთგვარი პატივისცემაც ჩამოუყალიბდა.

იავინის ბრძოლიდან 1 წელს, გალაქტიკური სამოქალაქო ომის დაწყებიდან ერთი წლის თავზე, ფეტს აჯანყებულთა კაპიტან ჯუნო ეკლიპსის პოვნა დაევალა, რათა გამოეტყუებინა გეილენ მერეკის კლონი. ფეტი აგრეთვე მონაწილეობდა კამინოს ბრძოლაში. როდესაც დართ ვეიდერი დაიჭირეს და დანტუინზე დაკითხვას უპირებდნენ, მანდალორელმა ჯილდოზე მონადირემ იქ მის ხომალდ მოხეტიალე ჩრდილს მიაგნო.

ფეტმა ყველაზე აღსანიშნავი საზღაური მიიღო იავინის ბრძოლიდან 3 წელს, როდესაც დაიჭირა აჯანყებულთა გმირი ჰან სოლო, რომელიც ჰატ ჯაბასთან მიიყვანა. ერთი წლის თავზე, კარკუნის დიდი ორმოს ბრძოლისას, იგი აჯანყებულებს ებრძოდა, როდესაც სოლომ შემთხვევით მოისროლა სარლაკის ხახაში. მართალია, მანამდე სარკალისგან გადარჩენილი არავის ახსოვდა, ფეტი, მართალია, დაჭრილი, ორმოდან ამოძვრა. რკინის ნებისყოფისა და მანდალორული აბჯარის დახმარებით, იგი გადარჩა და ჯილდოზე მონადირის საქმიანობას დაუბრუნდა.

ფენ შისასადმი მიცემული სიტყვის შემდეგ ფეტი გახდა მანდალორი და საბოლოოდ მანდალორელებს წინ წაუძღვა იუუზან-ვონგური ომის პერიოდში. მართალია, თავდაპირველად სხვა გალაქტიკიდან მოსულების სასარგებლოდ მუშაობდა როგორც დაქირავებული მეომარი, მოგვიანებით ახალ რესპუბლიკას შეუერთდა. როდესაც იუუზან-ვონგებმა დაარტყეს მანდალორს და დაბომბეს პლანეტა, მანდალორელებმა აღმოაჩინეს მანდალორული რკინის დიდი მარაგი, რითაც მხოლოდ გაძლიერდნენ.

მოგვიანებით, მეორე გალაქტიკური სამოქალაქო ომისას ბობა კვლავ მანდალორელებს მეთაურობდა, მაგრამ ჯანმრთელობამ უმტყუნა. მან მიაგნო შვილიშვილს, მირტა გევს და მასთან ერთად კიდევ მრავალი მისია შეასრულა, მათ შორის — ჰან სოლოსთან ერთად. ფეტი აგრეთვე წვრთნიდა სოლოს ქალიშვილ ჯეინას, რათა მას საკუთარი ძმა, დართ კეიდუსი მოეკლა. იგი აგრეთვე რამდენიმე ბრძოლისას ჯედაების კოალიციას ეხმარებოდა. საბოლოოდ, ფეტის მიერ გაწეული დახმარებით კეიდუსი დამარცხდა, თუმცა იმპერიული ნანოვირუსის გავრცელების გამო ფეტი ვეღარ დაბრუნდა მანდალორზე.