FANDOM


თარგი:ინფოდაფა კინოფილმი ვარსკვლავური ომები: ძალის გამოღვიძებათარგი:Refn (თარგი:Lang-en) — ეპიკური კოსმოსური ოპერის ჟანრის ამერიკული ფილმი, რომლის სცენარის ავტორი, თანაპროდიუსერი და რეჟისორია ჯეი ჯეი აბრამსი. ამ, რიგით მეშვიდე ფილმში ვარსკვლავური ომების სერიიდან, მონაწილეობენ მსახიობები ჰარისონ ფორდი, მარკ ჰემილი, კერი ფიშერი, ადამ დრაივერი, დეიზი რიდლი, ჯონ ბოიეგა, ოსკარ აიზეკი, ლუპიტა ნიონგ’ო, ენდი სერკისი, დონალ გლისონი, ენტონი დენიელზი, პიტერ მეიჰიუ და მაქს ფონ სიუდოვი. ფილმის მოვლენები ვითარდება „ჯედაის დაბრუნებიდან“ 30 წლის თავზე.[1] მოთხრობილია მეამბოხეთა ალიანსის, გალაქტიკური იმპერიის და პირველი ორდენის დაპირისპირების შესახებ[2] და აღწერილია ახალი წამყვანი პერსონაჟების, ფინის, რეის, პო დემერონის და მთავარი ბოროტი პერსონაჟის, კაილო რენის, ისევე, როგორც წინა ფილმების გმირების თავგადასავლები.[1][3] ფილმის სახელწოდება მომდინარეობს პერსონაჟის, უმაღლესი მეთაური სნოუკის მიერ წარმოთქმული ფრაზიდან, რომლითაც იგი მიმართავს კაილო რენს.

ძალის გამოღვიძება არის პირველი ფილმი ვარსკვლავური ომების გაგრძელების ტრილოგიაში, რომლის გამოსვლის შესახებ ცნობილი გახდა, როდესაც უოლტ დისნეის კომპანიამ 2012 წლის ოქტომბერში Lucasfilm შეიძინა. ფილმის პროდიუსერები არიან Lucasfilm-ის პრეზიდენტი კეთლინ კენედი, აბრამსი და ბრაიან ბერკი. აბრამსი და ლოურენს კესდენი (ორიგინალური ტრილოგიის ფილმების იმპერიის საპასუხო დარტყმა და ჯედაის დაბრუნება სცენარის ავტორი) არიან ფილმის სცენარისტები. ჯონ უილიამსი, წინა ფილმების მუსიკის ავტორი, ძალის კომპოზიტორია. ჯორჯ ლუკასი ფილმის წარმოების ადრეულ ეტაპზე შემქმნელებთან შემოქმედებითი კონსულტანტის სახით თანამშრომლობდა. მწარმოებლები არიან Lucasfilm და აბრამსის Bad Robot Productions. მსოფლიო მასშტაბით ფილმის დისტრიბუტორია Walt Disney Studios Motion Pictures. სურათის გადაღება დაიწყო 2014 წლის აპრილში აბუ-დაბისა და ისლანდიაში, ხოლო ძირითადი გადაღებები მიმდინარეობდა ირლანდიაში და ინგლისურ Pinewood Studios-ში.

ფილმის პრემიერა გაიმართა ლოს-ანჯელესში, 2015 წლის 14 დეკემბერს. 18 დეკემბერს იგი გამოვიდა 2D, 3D და IMAX 3D ფორმატებში, ფრენჩაიზის წინა ნაწილის, სითების შურისძიების (2005) პრემიერიდან 10 წლის შემდეგ. კრიტიკოსებმა ძალა იღვიძებს შეადარეს ორიგინალურ ტრილოგიას, აღნიშნეს რა მისი მოქმედებითი სცენები, პერსონაჟები და ემოციური დრამა, თუმცა, ზოგიერთი თვლის, რომ ძალაში ნასესხებია ესა თუ ის ელემენტი წინა ფილმებიდან. Disney-ს მხრიდან ფილმს ახლდა ვრცელი მარკეტინგული კამპანია. ფილმის შემოსავალმა ორ მილიარდ აშშ დოლარს გადააჭარბა. 2017 და 2019 წელს დაგეგმილია მისი გაგრძელებების, ეპიზოდ VIII-ს და ეპიზოდ IX-ს გამოსვლა.

სიუჟეტი

თარგი:სიუჟეტი

სიკვდილის ვარსკვლავის განადგურებიდან დაახლოებით 30 წლის შემდეგ ლუკ სკაიუოკერი გაუჩინარებულია. მას ეძებენ როგორც გენერალი ლეია ორგანა, ასევე პირველი ორდენი, მეამბოხეთა ალიანსის მიერ აღდგენილი რესპუბლიკის წინააღმდეგობა და გალაქტიკური იმპერიის მემკვვიდრე.

პო დემერონი, წინააღმდეგობის ერთ-ერთი პილოტი, გაგზავნილია პლანეტა ჯაკუზე გენერალ ლეია ორგანას მიერ, რათა მოიპოვოს რუკა, რომელზეც, როგორც დარწმუნებულები არიან, აღნიშნულია ლუკ სკაიუოკერის, წლების განმავლობაში დაკარგული უკანასკნელი ჯედაის ადგილმდებარეობა. კაილო რენი, რომელიც ძალის ბნელ მხარეს ფლობს, ცდილობს ამ რუკის უფრო ადრე პოვნას. ლორ სან ტეკა დემერონს რუკას გადასცემს, მაგრამ ამ დროს ჯაკუზე ჩნდება პირველი ორდენი, რენთან ერთად. პო რუკას მალავს დროიდ BB-8-ში, რომელიც სოფელს სასწრაფოდ ტოვებს. რენი დემერონს იჭერს და გასცემს მისი მშობლიური სოფლის დარბევის ბრძანებას. პირველი ორდენის კავალერისტ FN-21870-ის დახმარებით დემერონი გარბის, მაგრამ მათ გამანადგურებელს აგდებენ. გაქცეულები უდაბნოში ეცემებიან. პარაშუტით კატაპულტირებული FN-21870 (რომელსაც პომ ფინი შეარქვა) დარწმუნებულია, რომ დემერონი დაიღუპა. პოს დაკარგვის შემდეგ სასოწარკვეთილი, იგი უდაბნოში მოგზაურობს.

BB-8-ს ამასობაში პოულობს და ნაგვის სხვა შემგროვებლისგან გადაარჩენს რეი, გოგონა, რომელიც თავადაც თავს ნაგვის შეგროვებით ირჩენს და ბავშვობიდან ელოდება მშობლების შინ დაბრუნებას. მის დასახლებაში ჩნდება ფინი, რომელიც წყალს ეძებს. პოს ქურთუკს, რომელიც მას აცვია, ამოიცნობს BB-8. ფინი აუხსნის, თუ საიდან აქვს ეს ქურთუკი და უამბობს რეის, რომ დროიდი პოსთვის ძალიან მნიშვნელოვანი იყო. ჯაკუზე ჩნდებიან კავალერისტები. რეი, ფინი და დროიდი თავდაპირველად დიდი ხომალდისკენ გარბიან, მაგრამ მას შემდეგ, რაც მას აფეთქებენ, ირჩევენ ძველს, ათასწლიან შავარდენს.

მოგზაურები თავს უშველიან, მაგრამ შავარდენზე ავარიაა. მას აგრეთვე იპყრობს უფრო დიდი ხომალდი, რომელიც, როგორც ფინი დარწმუნებულია, პირველ ორდენს ეკუთვნის. აღმოჩნდება, რომ სინამდვილეში ეს ხომალდი ჰენ სოლოსი და ჩუბაკასია. ჰენი რეის და ფინს უამბობს, რომ ლუკმა სცადა ჯედაის ორდენის აღდგენა, მაგრამ გაქრა მას შემდეგ, რაც მისი მოწაფე კაილო რენი მოექცა ბნელ მხარეს და გაანადგურა ყოველივე, რაც სკაიუოკერმა შექმნა. BB-8 მათ რუკას უჩვენებს, მაგრამ აღმოჩნდება, რომ ეს მისი მხოლოდ ერთი ნაწილია. მოგზაურებს თავს ესხმიან მეკობრეები, რომელთა ვალი სოლოს აქვს, თუმცა გმირები გადარჩებიან. მიუხედავად ამისა, მეკობრეები რენს გადასცემენ, რომ გაქცეულებთან ერთად ჰენ სოლოც იყო.

სტარკილერის ბაზაზე (პლანეტაზე, რომელიც მზის ძალას გარდაქმნის დიდ სხივად და შეუძლია ვარსკვლავური სისტემების განადგურება), რენს უმაღლესი მეთაური სნოუკი მიანიშნებს, რომ ძალის ნათელი მხარისგან თავდასაცავად აუცილებელია მამამისის, ჰენ სოლოს მოკვლა. ამასობაში მოგზაურები პლანეტა ტაკოდანაზე ჩადიან, რათა იპოვონ მაზ კანატა, რომელსაც შეუძლია BB-8-ს დაეხმაროს წინააღმდეგობის პოვნაში. ჰენი რეის სთავაზობს მასთან ერთად შავარდენზე მუშაობას, მაგრამ გოგონა, მიუხედავად იმისა, რომ გაოგნებულია უდაბნოს მსგავს ჯაკუსთან შედარებით სხვა პლანეტებზე არსებული ფლორით, შინისკენ ილტვის, ვინაიდან კვლავ ელოდება მშობლების დაბრუნებას.

მაზ კანატას სასადილოში ფლინი, რომელიც მანამდე ყველას ეუბნებოდა, თითქოს წინააღმდეგობიდან იყო მოსული, რეის სიმართლეს უამბობს და გადაწყვიტავს, დატოვოს გუნდი. რეი შედის მაზ კანატას საწყობში, სადაც ენეკინ სკაიუოკერის ლაზერულ ხმალს პოულობს და გრძნობს ძალა. იდუმალი ხილვის შემდეგ, რომელშიც ჩანს ლუკი, R2-D2, რეის ბავშვობა და კაილო რენი, იგი შეშინებულია. რეის მაზ კანატა პოულობს და ხმალს შესთავაზებს, მაგრამ გოგონა BB-8-სთან ერთად ტყეში გარბის. ხმალს მაზ კანატა ფინს გადასცემს.

გენერალ ჰაქსის ბრძანებით, სტარკილერის ბაზიდან ანადგურებენ ჰოსნურ ვარსკვლავურ სისტემას, მათ შორის, რესპუბლიკის დედაქალაქს. პირველ ორდენს უთითებენ BB-8-ის ადგილსამყოფელზე და არმია ტაკოდანაზე ჩადის. ჰენს, ჩუბაკას და ფინს (რომელიც რეის მიერ ნაპოვნ ხმალს იღებს) გადაარჩენს პოს მეთაურობით მოფრენილი X-ფრთიანი გამანადგურებლების ესკადრილია. რეის ამასობაში ტყეში იჭერს რენი და მას აწამებს, რათა რუკის ფრაგმენტები გონებიდან ამოიღოს, მაგრამ მას ეწინააღმდეგება რეის კავშირი ძალასთან და ჯედაის ძალა. რენი გაოგნებულია და რჩევისთვის სნოუკს მიმართავს. ამასობაში გოგონა იყენებს ძალას და აიძულებს დარაჯს, მოხსნას მას ბორკილები და დაუტოვოს ბლასტერი. ჰენი, ჩუბაკა, ფინი და BB-8 მიყვანილი არიან წინააღმდეგობის ბაზაზე, დ'ქარზე. იქ მათ შეხვდებიან ლეია და დროიდები C-3PO და R2-D2, რომელიც ლუკის გაუჩინარების შემდეგ გამორთულია.

სტარკილერის ბაზა მალე დაარტყამს დ'ქარს, ამიტომ წინააღმდეგობა შეიმუშავებს ძალას, რომლის მიხედვით უნდა შესუსტდეს პლანეტის დამცავი არე, რათა მებრძოლებმა შეძლონ სუპერ იარაღის განადგურება. შავარდენით ჰენი, ჩუბაკა და ფინი ბაზასთან ეშვებიან, ტოვებენ ყუმბარებს, პოულობენ რეის და ხვდებიან რენს. შვილს სოლო მიმართავს ნამდვილი სახელით, ბენით და სთხოვს ბნელი ძალის დატოვებას. რენი, რომელიც ორჭოფობს და ძალის ორ მხარეს შორის იხლიჩება, ეკითხება, დაეხმარება თუ არა სოლო. ჰენი ეთანხმება და რენი მას ცივად კლავს. ჩუბაკა აამოქმედებს ასაფეთქებელ მოწყობილობებს და წინააღმდეგობის X-ფრთიან გამანადგურებელს იარაღზე იერიში მიაქვს. იწყება ჯაჭვური რეაქცია, რითაც ბაზა უნდა განადგურდეს.

დაჭრილი რენი ფინს და რეის მისდევს, შემდეგ კი ფინი მას უპირისპირდება ენეკინის ხმლით. მას შემდეგ, რაც მას კაილო დაჭრის, რეი ხმალს იღებს და მტერს თავად ებრძვის და ძალით ასუსტებს, აგრეთვე რამდენიმეჯერ დაჭრის. მათ შორის მიწა სკდება და ერთმანეთს აშორებს. გოგონას და ფინს პოულობს ჩუბაკა. სნოუკი უბრძანებს ჰაქსს, მოახდინოს ბაზის ევაკუაცია და დაჭრილი რენი გამოიყვანოს. რეი, ფინი და ჩუბაკა შავარდენით პლანეტას ტოვებენ.

დ'ქარზე წინააღმდეგობა გამარჯვებას ზეიმობს, თუმცა ლეია, ჩუბაკა და რეი ჰენს დასტირიან. მოულოდნელად R2-D2 ამოქმედდება და რუკის დარჩენილ ნაწილს გამოსახავს. BB-8 მას საკუთარ მეხსიერებაში დამალულ რუკას უერთებს. გეზის დადგენის შემდეგ R2-D2-სთან და ჩუბაკასთან ერთად რეი შორეულ პლანეტაზე, ზღვაში მდებარე კუნძულზე ლუკს პოულობს და მამამისის ხმალს დასცემს.

როლებში

თარგი:მრავალი სურათი თარგი:Main

  • ჰარისონ ფორდი - ჰენ სოლო.[4] ფორდმა განაცხადა, რომ იგი არ აპირებს, „დაიკავოს ობი-ვანის ადგილი ან იყოს ახალი ეპოქის ალეკ გინესი. მისი ცხოვრების განვითარება თანმიმდევრულია და არის ემოციური მომენტები, რომლებსაც დროდადრო ადგილი აქვთ...სოლოში ჯერ კიდევ ბევრი თაღლითობაა დარჩენილი. ბევრი რამ არ შეცვლილა.“ [5]
  • მარკ ჰემილი - ლუკ სკაიუოკერი.[4] აბრამსმა ლუკის, ჰენის და ლეიას შესახებ განაცხადა: „ისინი არიან ისეთივე ძველები და მითად ქცეულები, როგორც მეფე ართური. პერსონაჟები, რომლებზეც გაუგონიათ, მაგრამ, შესაძლოა, არც გაუგონიათ. პერსონაჟები, რომელთა არსებობის სწამთ ან ზღაპრად მიაჩნიათ.“[6]
  • კერი ფიშერი - პრინცესა ლეია ორგანა.[7] მას მიმართავენ, როგორც გენერალ ორგანას და არა პრინცესას.[8] ჯედაის დაბრუნების შემდეგ მას აღწერენ, როგორც "ბრძოლებით დაღლილს, უფრო მეტად გულგატეხილს".[9] ფიშერის თქმით, ლეია არის "განმარტოებული. როგორც ყოველთვის, მიზნების ერთგული, მაგრამ უფრო დამარცხებული, დაღლილი და ნაწყენი". აბრამსი: "მასზე დიდ იმედებს ამყარებენ, ამიტომ მის პრობლემებზე ბევრი საუბარი არ არის".[10]
  • ადამ დრაივერი[4] - კაილო რენი, ბნელი მებრძოლი, რომელშიც ძალა მძვინვარებს, რენის რაინდების ყოფილი წევრი და პირველი ორდენის მეთაური.[11][12]
  • დეიზი რიდლი - რეი,[4][13] პლანეტა ჯაკუდან. აგროვებს სხვადასხვა ტიპის ნაგავს.[14] რიდლი: "იგი ყველაფრით უზრუნველყოფილია და ყველაფერს საკუთარი თავისთვის აკეთებს, სანამ [ფინს] შეხვდება და თავგადასავალი დაიწყება".[14]
  • ჯონ ბოიეგა - ფინი,[4][13] პირველი ორდენის სამხედრო. [14][15] ბოიეგა განმარტავდა, რომ თავისი მომავალი როლის შესახებ შეიტყო მეიფერში, სადაც აბრასმა უთხრა: "ჯონ, შენ ვარსკვლავური ომების ახალი ვარსკვლავი ხარ".[16] ბოიეგა: "თავდაპირველად ფინი დიდ საფრთხეაში. და ის, თუ როგორ რეაგირებს ამ საშიშროებაზე და მოხვდება ვარსკვლავურ ომებში, უნიკალურია."[14] ნაწყვეტი სხვა ინტერვიუდან: "მას უამბეს [ლუკზე], მისი ისტორია იცის. მისთვის ეს თითქოს არმიაში გაწევრიანებაა და მოგვიანებით ქვეყნის ყველაზე დიდი მტრის შესახებ სიმართლის აღმოჩენაა"[17] იგი ფლობს ლაზერულ ხმალს, რომელიც მანამდე ლუკს და დართ ვეიდერს ეკუთვნოდა.[6]
  • ოსკარ აიზეკი - პო დემერონი,[4][13] წინააღმდეგობის ვარსკვლავური გამანადგურებლის პილოტი.[14][18] აიზეკი: "იგი გალაქტიკის საუკეთესო პილოტია...ერთ-ერთმა პრინცესამ იგი დავალებით გაუშვა, შემდეგ კი მისი და ფინის ბედისწერა სამუდამოდ გადაიკვეთება."[14]
  • ლუპიტა ნიონგ'ო[19] - მაზ კანატა, მეკობრე.[18] ნიონგ'ოს თქმით, კანატა "ათას წელიწადზე მეტია, რაც არსებობს. ბარს უკვე საუკუნეა, რაც ფლობს, ეს ტიპიური ბარია, რომლის მსგავსი ვარსკვლავური ომების სამყაროს ნებისმიერ კუთხეში მოიპოვება".[20]
  • ენდი სერკისი[4] - უმაღლესი მეთაური სნოუკი,[21] კაილო რენის მბრძანებელი და ბნელი ძალის ერთ-ერთი ძალაუფლებიანი პიროვნება.[22] სერკისი: "სნოუკი მეტად იდუმალი პერსონაჟია, ამავე დროს, დაუცველი, ისევე, როგორც ძლიერი...იგი დიდია. მაღალია. და ნიშანი სახეზე - გრიმის გარეშე არ გამოვიდოდა. ბევრ რამეს ახლა ვერ ვიტყვი, მას გამორჩეული, განსაკუთრებული ძვლების სისტემა და სახის სტრუქტურა აქვს".[23]
  • დონალ გლისონი[4] - გენერალი ჰაქსი, პირველი ორდენის, სტარკილერის ბაზის მეთაური.[24] გლისონის თქმით, იგი არის "საკმაოდ დაუნდობელი. მკაცრად დისციპლინირებული რბილად ნათქვამი იქნებოდა. იგი კაილო რენის საპირისპიროა. აქვთ გარკვეული ურთიერთობა, ინდივიდუალური და უჩვეულო. ერთ-ერთი მეორესთან შედარებით უფრო ძლიერია. ორივე ძალაუფლებისთვის იბრძვის".[25]
  • ენტონი დენიელზი - C-3PO.[4] იგი ამბობდა, რომ მსახიობებს საშუალება ჰქონდა, საკუთარი ექსპერიმენტები ჩაეტარებინათ - "აბრამსმა შექმნა გარემო, სადაც შეგეძლო იდეების შეტანა".[26]
  • პიტერ მეიჰიუ - ჩუბაკა[4]
  • მაქს ფონ სიუდოვი - ლორ სან ტეკა[4][27]

მეორეხარისხოვანი პერსონაჟები

იაიან რუჰიანი, იკო უვაისი და კეკეპ არიფ რაჰმანი განასახიერებენ ტასუ ლიჩს, რაზუ კინ-ფი და კროკინ სენდს, კანჯიკლუბის ბანდის, კრიმინალური გაერთიანების წევრებს.[44][45][46] უორვიკ დეივისი ჩნდება უოლივანის როლში, მაზ კანატას სასახლეში, ბარში.[47][48] თომას ბროუდი-სანგსტერი განასახიერებს თანისონს, პირველი ორდენის უმცროს ოფიცერს.[49]ბილი ლურდი კონიქსის, წინააღმდეგობის ლეიტენანტის როლშია.[50][51] დენიელ კრეიგი, მაიკლ ჯაკინო და ნაიჯელ გოდრიჩი ასრულებენ კავალერისტების როლებს.[52][53] აბრამსის ასისტენტი, მორგან დემერონი, წინააღმდეგობის ოფიცრის როლს თამაშობს[54], ხოლო მამამისი, გერი აბრამსი - კაპიტან საიპრესს.[55] სებასტიან არმესტო ლეიტენანტ მიტაკას განასახიერებს, პირველი ორდენის ოფიცერს.[56]

მეორეხარისხოვან როლებს აგრეთვე ასრულებენ ემუნ ელიოტი, კრისტალ კლარკი, მარკ სტენლი, პიპ ანდერსენი]],[57] კრისტინა ჩონგი,[58] მილტოს იეროლემუ,[59] მეიზი რიჩარდსონ-სელერსი,[60] ემიბეთ ჰარგრივზი,[61] ლიენ ბესტი,[62]ჰარიეტ უოკერი,[63] ჯუდა ფრიდლენდერი,[64] და კევინ სმითი[65] აბრამსი ასრულებს მომღერლის როლს სასადილოში.[66]

წარმოება

განვითარება

თარგი:See also

ვარსკვლავური ომების შემქმნელი ჯორჯ ლუკასი ორიგინალურ ტრილოგიაზე მუშაობის დასრულების შემდეგ განიხილავდა გაგრძელების გადაღების შესაძლებლობას, მაგრამ საბოლოოდ უარყო, რომ მასზე მუშაობას აპირებდა.[67] 2012 წლის ოქტომბერში მან თავისი კომპანია Lucasfilm და ამასთან ერთად, ვარსკვლავური ომებიც მიჰყიდა დისნეის.[68] Lucasfilm-ის პრეზიდენტ კეთლინ კენედისთან ერთად ფილმის შესახებ საუბრისას ჯორჯი ამბობდა: „ყოველთვის ვამბობდი, რომ მეტის გადაღებას არ ვაპირებდი და ეს ასეა, ვინაიდან მეტს აღარ გადავიღებ. მაგრამ ეს არ ნიშნავს, რომ არ შემიძლია კეთის ვანდო სხვების გადაღება.“[69]

როგორც ფილმის შემოქმედებითი კონსულტანტი, ლუკასი ესწრებოდა ამბის განხილვასთან დაკავშირებულ ადრეულ შეხვედრებს და ახალ კოლექტივს სამყაროს დეტალების შესახებ რჩევებს აძლევდა.[68] სხვადასხვა მასალასთან ერთად მან გუნდს გადასცა VII-IX ეპიზოდების შენიშვნების მონახაზები, თუმცა მოგვიანებით აღნიშნა, რომ დისნეიმ უარი თქვა მის იდეებზე[70][71] და ახალი ფილმის შექმნაში მონაწილეობას აღარ მიიღებდა[72]. ჯორჯის შვილმა ჯეტმა The Guardian-ს უამბო, რომ მამამისი იყო ძალიან „გატეხილი“ იმის გამო, რომ ფრენჩაიზის უფლებები გაყიდა, მიუხედავად იმისა, რომ თავად აირჩია აბრამსი და ესწრებოდა პროცესს, როგორც მეგზური, მაგრამ „სურს, შეეშვას და საკუთარი ახალი თაობა შეაძენინოს“. [73] 2015 წლის ნოემბერში ლუკასმა განაცხადა, რომ დისნეის „იმდენად არ სიამოვნებდა“ მისი მონაწილეობა: „თუ იქ ჩავერთვები, მხოლოდ პრობლემებს გამოვიწვევ, ვინაიდან რასაც ვეტყვი, არ გააკეთებენ, მე აღარ მაქვს უფლება, რამე შევცვალო, ამიტომ საქმეს მხოლოდ გავაფუჭებდი.“[74]

ეპიზოდ VII-ის პირველი სცენარი დაიწერა მაიკლ არნდტის მიერ.[75][76][77] რეჟისორებად განიხილავდნენ დევიდ ფინჩერს[78], ბრედ ბირდს[79] და გილერმო დელ ტოროს.[80] 2013 წლის იანვარში ცნობილი გახდა, რომ რეჟისორი იქნებოდა ჯეი ჯეი აბრამსი, ხოლო ლოურენს კესდენი და საიმონ კინბერგი კონსულტაციას გაუწევდნენ.[81][82] არნდტის პროექტიდან წასვლის შესახებ ცნობილი გახდა 2013 წლის 24 ოქტომბერს, ხოლო სცენარი გადავიდა კესდენის და აბრამსის ხელში.[83] ჯეი ჯეი ღელავდა სცენარისტების მიზეზით შექმნილი დროის პრობლემის გამო[84] და საბოლოოდ დამშვიდდა, როდესაც ცნობილი გახდა, რომ ფილმი ზაფხულის სანაცვლოდ 2015 წლის დეკემბერში გამოვიდოდა.[85] აბრამსმა და კესდენმა ამბავი ერთად შეიმუშავეს სანტა-მონიკაში, ნიუ-იორკში, პარიზსა და ლონდონში მრავალი მილის მანძილზე გასეირნებისას. სცენარის პირველი მონახაზი დაასრულეს ექვს კვირაში.[86] აბრამსი ამბობდა, რომ მთავარი ამოცანა იყო ვარსკვლავური ომების პირველი ფილმის საწყისებთან დაბრუნება და მისი აგება უფრო მეტად ემოციებზე, ვიდრე განმარტებაზე.[87] 2014 წლის იანვარში რეჟისორმა დაადასტურა, რომ სცენარზე მუშაობა დაასრულეს.[88] 2014 წლის აპრილში Lucasfilm-მა განმარტა, რომ ახალი ეპიზოდები არ იქნებოდა დაფუძნებული ვრცელ სამყაროზე, თუმცა რამდენიმე ელემენტი მოხვდებოდა სერიალში ვარსკვლავური ომები: მეამბოხეები.[89]

ფაილი:Kathleen Kennedy, J. J. Abrams, Lawrence Kasdan by Gage Skidmore.jpg

წინაწარმოება

2013 წლის მაისში დადასტურდა, რომ ეპიზოდი VII გადაღებული იქნებოდა გაერთიანებულ სამეფოში.[90] Lucasfilm-ის წარმომადგენლები შეხვდნენ ჯორჯ ოსბორნს, გაერთიანებული სამეფოს ხაზინის კანცლერს, რათა შეეთანხმებინათ გადაღებები.[90] 2013 წლის სექტემბერში მოხდა Bad Robot-ის ტექნიკური ბაზის ადაპტირება ისე, რომ უფრო მცირე ნაწილი წარმოებული იქნებოდა აშშ-ში.[91]

ფილმის კოსტიუმების დიზაინზე მუშაობდა მაიკლ კაპლანი. რომელიც აბრამსთან მანამდე ვარსკვლავური გზის ფილმების სერიის დიზაინის შემუშავებისას თანამშრომლობდა.[92] მონტაჟზე სამუშაოდ პროექტში გაერთიანდნენ მერი ჯო მარკი და მერიენ ბრენდონი, აგრეთვე აბრამსის პარტნიორები წინა ფილმებიდან. [93] 2013 წლის აგვისტოში ცნობილი გახდა, რომ ოპერატორი დენი მინდელი ფილმს გადაიღებდა 35 მმ-იან ფირზე (Kodak 5219)[94] 2013 წლის ოქტომბერში ცნობილი გახდა გუნდის სხვა წევრების სახელები. ესენი იყვნენ ბერ ბარტი (ხმის რეჟისორი), დენი მინდელი (მთავარი ოპერატორი), დამდგმელი მხატვრები რიკ კარტერი და დარენ გილფორდი, კოსტიუმების დიზაინერი მაიკლ კაპლანი, სპეციალური ეფექტების დეპარტამენტის ხელმძღვანელი კრის კოლბულდი, ხელახალი ჩაწერის ხმის მიქსის ინჟინერი გერი რიდსტრომი, ხმის მთავარი რედაქტორი მეთიუ ვუდი, ვიზუალური ეფექტების დეპარტამენტის ხელმძღვანელი როჯერ გაიეტი და აღმასრულებელი პროდიუსერები ტომი ჰარპერი და ჯეისონ მაკგეტლინი.[95][96][97][98]

კასტინგი

ფაილი:Star Wars - The Force Awakens cast by Gage Skidmore.jpg

მსახიობების შერჩევა დაიწყო 2013 წლის აგვისტოში. აბრამსი ხვდებოდა პოტენციურ მონაწილეებს და აკითხებდა სცენარის ნაწილებს, აგრეთვე იღებდა სატესტო კადრებს. რეიჩელის და თომასის, სცენარის ადრეული ვერსიის პერსონაჟების ღია კასტინგები გაიმართა გაერთიანებულ სამეფოში, ირლანდიაში და აშშ-ში, 2013 წლის ნოემბერში.[99][100][101] ახალი კასტინგი გაიმართა 2014 წლის იანვარში, კესდენის და აბრამსის მიერ სცენარში შეტანილი ცვლილებების გამო. [102] მსახიობების კინო-ტესტები გაგრძელდა სულ მცირე, 2014 წლის 29 აპრილის ანონსამდე 3 კვირის განმავლობაში, ხოლო საბოლოოდ მსახიობები შეარჩიეს მანამდე რამდენიმე კვირით ადრე. მსახიობებს არ ჰქონდათ ინფორმაციის გამხილების უფლება, არც მათი აგენტები თუ სხვა წარმომადგენლები საუბრობდნენ კლიენტების ამ პროექტში მონაწილეობის შესახებ.[103]

მიუხედავად იმისა, რომ ლუკასი ამბობდა, რომ მსახიობები კერი ფიშერი, ჰარისონ ფორდი და მარკ ჰემილი დაბრუნდებოდნენ დაახლოებით 2013 წლის მარტში[68], მათი პროექტში მონაწილეობა საბოლოოდ მხოლოდ ერთი წლის თავზე დადასტურდა.[4] ახალი პერსონაჟების როლებზე კასტინგს გადიოდნენ სირშა რონანი,[104] მაიკლ ბ. ჯორდანი[105] და ლუპიტა ნიონგ’ო[106]. ინდუსტრიულ გამოცემებში იწერებოდა, რომ ერთ-ერთ მსახიობად მოიაზრებდნენ ჯესი პლემონსს - შესაძლოა, ლუკის შვილის როლზე[107]. ადამ დრაივერი იქნებოდა ჯერ კიდევ უცნობი ბოროტი პერსონაჟის როლში[108], ისევე, როგორც მეიზი რიჩარდსონ-სელერსი.[109] 2014 წლის მარტში მსახიობმა დომინიკ მონაგანმა ახსენა, რომ აბრამსი არჩევდა სამ მსახიობს ეპიზოდ VII-ის როლებისთვის და ჭორები ცნობილი მსახიობების შერჩევაზე სიმართლეს არ შეესაბამებოდა.[110]

დეიზი რიდლი 2014 წლის თებერვალში შეარჩიეს, თვის ბოლოსთვის შეუთანხმდნენ დრაივერს, რომელსაც პარალელურად უნდა ეთამაშა სერიალში „გოგონები“. 2014 წლის მარტისთვის დაიწყო მოლაპარაკებები ენდი სერკისთან და ოსკარ აიზეკთან და გაგრძელდა 2014 წლის აპრილში. აპრილში ჯონ ბოიეგამ დატოვა ჯესი ოუენსის ბიოგრაფიული ფილმის პროექტი და დაიწყო მოლაპარაკებები ძალაში გადაღებასთან დაკავშირებით.[103] დენის ლოუსონს, რომელიც ორიგინალურ ტრილოგიაში უეჯ ანტილესის როლს ასრულებს, დაუკავშირდნენ, მაგრამ მან უარი განაცხადა, თქვა რა, რომ როლი „დაღლიდა“.[111]

2014 წლის 29 აპრილს ოფიციალურად გახდა ცნობილი როლების შემსრულებელთა ძირითადი გუნდის შესახებ. გამოქვეყნდა პირველი ფოტოსურათიც, რომელზეც მსახიობები (ფორდი, რიდლი, ფიშერი, პიტერ მეიჰიუ, დონალ გლისონი, ენტონი დენიელზი, ჰემილი, სერკისი, ოსკარ აიზეკი, ბოიეგა, დრაივერი), პროდიუსერი ბრაიან ბერკი, ლოურენს კესდენი, კეთლინ კენედი და აბრამსი ისხდნენ სტუდიაში Pinewood Studios (ლონდონი) და სცენარს კითხულობდნენ[4]. თავდაპირველად ანონსი დაგეგმეს 4 მაისისთვის (ვარსკვლავური ომების დღისთვის), მაგრამ ინფორმაცია უფრო ადრე გამოაქვეყნეს, ეშინოდათ რა მისი ნაადრევად მედიაში გაჟონვის. 2014 წლის ივნისში ცნობილი გახდა ლუპიტა ნიონგ’ოს და გუენდოლინ კრისტის მონაწილეობის შესახებ.[19]

როლისთვის მომზადებისას ჰემილმა მოიზარდა წვერი[112]. მას დაუნიშნეს პირადი ტრენერი და კვების მენეჯერი, ვინაიდან სურდათ, რომ მას მოხუცი ლუკის გარეგნობა ჰქონოდა.[113] პირადი ტრენერი და კვების მენეჯერი ფიშერსაც დაუნიშნეს.[113]თარგი:Ref თავდაპირველად აბრამსი აპირებდა დენიელზის C-3PO-ს როლის გამხმოვანებლის სახით ჩართვას[114], მაგრამ სპეციალურად დენიელზისთვის გუნდმა შექმნა ახალი კოსტიუმი[115].

მაისში აბრამსმა გამოაცხადა UNICEF-ის სპეციალური საქველმოქმედო კონკურსის შესახებ - გამარჯვებული (და დონორი) ეწვეოდა აბუ-დაბიში ფილმის გადასაღებ მოედანს, შეხვდებოდა მსახიობებს და ფილმშიც გამოჩნდებოდა.[116] 2014 წლის ოქტომბერში ცნობილი გახდა, რომ უორვიკ დეივისი, რომელიც თამაშობდა „ფარულ საფრთხეში“ და „ჯედაის დაბრუნებაში“, მონაწილეობას მიიღებდა ძალაშიც, თუმცა - ჯერ უცნობ როლში.[117] 2014 წლის ნოემბერში დადასტურდა, რომ ფიშერის შვილი, ბილი ლურდი, აგრეთვე მონაწილეობდა.[50] აიზეკის ბიძა, ვარსკვლავური ომების მოყვარული, გადასაღებ მოედანზე სტუმრობისას აბრამსის მიერ გადაღებული იქნა ეპიზოდურ როლში.[118]

გადაღება

თარგი:მრავალი სურათი

2014 წლის თებერვალში აბრამსისგან ცნობილი გახდა, რომ გადაღება დაიწყებოდა მაისში და გაგრძელდებოდა სამი თვის განმავლობაში.[87] ოფიციალური ანონსი 18 მარტს გავრცელდა, როდესაც დისნეიმ და Lucasfilm-მა გამოაცხადეს, რომ ძირითადი გადაღებები დაიწყებოდა მაისში, Pinewood Studios-ში.[119] მარტში ცნობილი გახდა, რომ წინაწარმოების პერიოდში გადაღებას ისლანდიაში აწარმოებდნენ - ეს იქნებოდა ლანდშაფტები, რომლებიც ფილმში ფონის სახით იქნებოდა გამოყენებული.[120] 2 აპრილს უოლტ დისნეის სტუდიების თავმჯდომარე ალან ჰორნმა დაადასტურა, რომ გადაღებები დაიწყო[121] აბუ-დაბის საამიროში, რაზეც მეორე გადამღები ჯგუფი მუშაობდა.[122][123] თვის ბოლოს ცნობილი გახდა ისიც, რომ 35 მმ-იანი ფირის გარდა, ფილმის ნაწილს იღებდნენ 65 მმ-იან IMAX-ის ფორმატში.[124] 8 ივლისს Bad Robot-მა Twitter-ზე დაწერა, რომ ფილმს ნაწილობრივ IMAX-ის კამერებით იღებდნენ.[125]

2014 წლის მაისში სტუდიამ გამოაქვეყნა დისნეის აღმასრულებელი დირექტორ ბობ აიგერის და ჩუბაკას სელფი. აიგერმა დაწერა, რომ სურათი გადაიღო Pinewood-ში სტუმრობისას, ორი კვირით ადრე, „გადაღებების დაწყების წინ“ დისკუსიისას, რომელშიც აბრამსი, კენედი და ჰორნი მონაწილეობდნენ.[126] 2014 წლის 16 მაისს აბუ-დაბიში ძირითადი გადაღებები დაიწყო.[127][128][129] აბრამსი და მსახიობები აბუ-დაბიში მაისის დასაწყისში ჩავიდნენ. იქ აგებული იქნა დიდი გადასაღები დეკორაციები, მათ შორის - შატლის მსგავსი ხომალდი, დიდი კოშკი და ბაზრობა, ხოლო ასაფეთქებელი მოწყობილობებით შექმნეს აფეთქების შედეგად წარმოქმნილი კრატერის მსგავსი ჩაღრმავება. მსახიობები გადაღებებისთვის მომზადებისას ატარებდნენ ფილმში გამოყენებულ სხვადასხვა ტრანსპორტს.[130] წარმოებამ ივნისში Pinewood-ში გადაინაცვლა.[131]

12 ივნისს ჰარისონ ფორდმა Pinewood-ში ფეხი მოიტეხა - მას შემდეგ, რაც ჰიდრავლიკური კარები დაეცა. იგი საავადმყოფოში გადაიყვანეს. წარმოება ორი კვირით, ფორდის პატივსაცემად შეაჩერეს.[132] მსახიობის შვილმა ბენმა განაცხადა, რომ, სავარაუდოდ, აუცილებელი იქნებოდა მუხლის ოპერაცია და ხრახნების ჩადგმა, ამიტომ შეიცვლებოდა გადაღების სტილი - გუნდი ფორდს გადაიღებდა წელს ზევით, სანამ იგი მთლიანად გამოჯანმრთელდებოდა.[133] ივლისში ჯეიკ სტაინფელდმა, ფორდის პირადმა ტრენერმა განაცხადა, რომ მსახიობის მდგომარეობა სწრაფად უმჯობესდებოდა.[134] გარდა ამისა, აბრამსმაც დაიზიანა ზურგი, როდესაც თავად ცდილობდა ფორდზე დაცემული კარის აწევას. თუმცა, ერთი თვის განმავლობაში ამის შესახებ არავისთვის უთქვამს.[135]

2014 წლის 29 ივლისიდან, სამი დღის განმავლობაში, გადაღებები მიმდინარეობდა სკელიგ-მაიკლის კუნძულზე, ირლანდიაში, მარკ ჰემილის და დეიზი რიდლის მონაწილეობით.[136][137] 2014 წლის აგვისტოს დასაწყისში წარმოება ორი კვირით შეაჩერეს, აგვისტოს შუა პერიოდში კი ფორდი დაბრუნდა.[138][139] 2014 წლის სექტემბერში ინგლისის სამეფო სამხედრო-საჰაერო ძალების ყოფილი ბაზა, Pinewood-თან, გამოიყენეს გადასაღები მოედნის სახით. მასზე განალაგეს ვარსკვლავური ომების სამყაროს რამდენიმე ხომალდი.[140][141] ძირითადი გადაღებები დასრულდა 2014 წლის 3 ნოემბერს.[142]

პოსტ-წარმოება

ოპერატორმა დენიელ მინდელმა განაცხადა, რომ ფილმში ძირითადად გამოყენებულია რეალური ადგილმდებარეობები და მცირე მოდელები, რათა ნამუშევარი უფრო ახლოს იყოს ვარსკვლავური ომების ორიგინალურ ტრილოგიასთან. [143] რაიან ჯონსონის, მომავალი, მერვე ეპიზოდის რეჟისორის თქმით, აბრამსი კომპიუტერული გრაფიკის მცირე რაოდენობას და უფრო პრაქტიკულ, ტრადიციულ სპეციალურ ეფექტებს იყენებს: „ვფიქრობ, ხალხი უბრუნდება მათ. თითქოს რაღაც გრავიტაცია გვაბრუნებს. სულ უფრო მეტი კრიტიკული თვალით უყურებს მოქმედებიან სცენაში კომპიუტერული გრაფიკის უხვად გამოყენებას, სადაც ფიზიკის კანონები არ მოქმედებს და ყველაფერი სწრაფად ვითარდება.“ [144] აბრამსის მიერ პრაქტიკული სპეციალური ეფექტების წინა პლანზე წამოწევა აუცილებელი იყო ორიგინალური ვარსკვლავური ომების ვიზუალური რეალიზმის და აუთენტურობის მისაღებად.[145] მაგალითად, BB-8 უკვე არსებობდა ფიზიკურად - ეს იყო Disney Research-ის მიერ შემუშავებული მართვადი რობოტი[146], შექმნილი ნილ სკენლენის, სპეციალური ეფექტების ავტორის მიერ.[147][148]

აგვისტოში აბრამსმა დაასახელა ფილმის სავარაუდო ხანგრძლივობა - 124-125 წუთი.[149] 2014 წლის თებერვალში Industrial Light & Magic-მა (ILM) გამოაცხადა ლონდონში წარმომადგენლობის გახსნის შესახებ. გაფართოების მიზეზად მან დისნეის ვარსკვლავური ომები დაასახელა. ფილმის სპეციალურ ეფექტებზე აგრეთვე მუშაობდა ILM-ის ვანკუვერის ფილიალი.[150]

მუსიკა

თარგი:Main თარგი:Quote box

2013 წლის ივლისში დადასტურდა, რომ ჯონ უილიამსი იქნებოდა ფილმის მუსიკის კომპოზიტორი.[151] მან აგრეთვე დაწერა მუსიკა მისი ორი ტრეილერისთვის. [152][153] თემების წერა დაიწყო 2015 წლის დასაწყისში. ივნისისთვის, ყოველდღიური გრაფიკით, დაასრულა თითქმის ყველაფერი.[154] 2015 წლის მაისში მან ახსენა, რომ დაუბრუნდებოდა წინა ფილმების თემებს (მაგალითად, ლუკს, ლეიას და ჰენს): „ყველაფერი იქნება ბუნებრივი და მოერგება იმ ადგილებს, სადაც გადავწყვიტეთ მათი მორგება. ბევრი არ არის, მაგრამ არის რამდენიმე, რაც ჩვენი აზრით მნიშვნელოვანია.“ მისი თქმით, აბრამსთან მუშაობა ჰგავდა ლუკასთან თანამშრომლობას.[155]

საუნდტრეკის ჩაწერა დაიწყო 2015 წლის ივნისს, Sony Pictures Studios-ში, ძირითადად უილიამ როსის, როგორც დირიჟორის ხელმძღვანელობით.[156] ჩაწერის პირველი დღე იყო 2015 წლის 1 ივნისი.[157] უილიამსი ესწრებოდა ამ სესიებს და ჩაწერის ნაწილს ხელმძღვანელობდა.[158][159] მუსიკა ჩაიწერა შტატგარეშე ორკესტრის მიერ, რამდენიმე თვის განმავლობაში. სესიები გრძელდებოდა 2015 წლის ზაფხულსა და შემოდგომაზე. ჩაწერის უკანასკნელი დღე იყო 14 ნოემბერი.[153][160][161] ფილმის საუნდტრეკი Walt Disney Records-ზე 2015 წლის 18 დეკემბერს გამოვიდა.[162]

ლინ-მანუელ მირანდა და აბრამსი აგრეთვე მონაწილეობდნენ ფილმის მუსიკის შექმნაში, კერძოდ - მოს აისლის სასადილოს სცენის მსგავსი სეგმენტისთვის. აბრამსმა მირანდა გაიცნო უკანასკნელის მიუზიკლ „ჰამილტონის“ ჩვენებაზე, სადაც მირანდამ ხუმრობით შესთავაზა სასადილოს მუსიკის შექმნა, თუ ასეთი დასჭირდებოდა. მან არ იცოდა, რომ უილიამსმა აბრამსს უარი უთხრა ამ სცენისთვის მუსიკის შექმნაზე და აპირებდა მხოლოდ ორკესტრულ ნაწილზე მუშაობას. ჯეი ჯეი დაუკავშირდა მირანდას და ისინი ორი თვის განმავლობაში მუშაობდნენ აღნიშნული მონაკვეთის თანმხლებ მელოდიაზე.[163]

გამოშვება

ფილმის საპრემიერო ჩვენება ლოს-ანჯელესში, 2015 წლის 14 დეკემბერს გაიმართა, დარბაზებში TCL Chinese Theatre, El Capitan Theatre და Dolby Theatre.[164] ჰოლივუდის ბულვარში დადგეს დიდი თეთრი კარავი, რომელიც გადაჭიმეს ორინჯ-დრაივიდან ჰაილენდ-ავენიუმდე. ცერემონიას ხუთი ათასი სტუმარი ესწრებოდა.[165] ფილმი გამოვიდა 12 ქვეყანაში, მათ შორის, ევროპაში (მაგალითად, იტალიასა და საფრანგეთში, სადაც იგი ოთხშაბათს წარადგინეს). ფილიპინებსა და ტაილანდში ძალა 16 დეკემბერს გამოვიდა. 32 ქვეყანაში, მათ შორის, გაერთიანებულ სამეფოში, მექსიკასა და სხვა ევროპულ, აზიურ, სამხრეთ ამერიკულ და ოკეანიის ქვეყნებში იგი 17 დეკემბერს გამოვიდა. ჩრდილოეთ ამერიკაში, იაპონიაში, ესპანეთში, ვენესუელაში ძალა 18 დეკემბერს უჩვენეს[166], 3D და IMAX 3D ფორმატებში.[167] ინდოეთში ძალა იღვიძებს გამოვიდა 25 დეკემბერს[168], ხოლო ჩინეთში 2016 წლის 9 იანვარს გამოვა.[166]

ჩრდილოეთ ამერიკაში ძალა იყო დეკემბრის ყველაზე მასშტაბური პრემიერა - 4134 კინოთეატრით, რომელთა შორის 3300 3D ფორმატის კინოთეატრია, 392 - IMAX-ის ტიპის, 451 - სპეციალური დიდფორმატიანი ეკრანებით, 146 - D-Box-ის ტექნოლოგიით,[169][170] და რამდენიმე - Dolby Vision-ის ფორმატში (Rec. 2020 ფერი), Dolby Cinema-ში.[171] სულ მსოფლიო მასშტაბით ფილმი გამოვიდა IMAX-ის 940 ეკრანზე, რაც ახალი რეკორდია.[170] 18 დეკემბრიდან იგი 2016 წლის 14 იანვრამდე ოთხი კვირის განმავლობაში აშშ-ის ყველა IMAX ეკრანზე გადის, რაც ამ ტიპის კინოთეატრების ისტორიაში იშვიათი შემთხვევაა. უკანასკნელი ასეთი ფილმი იყო Warner Bros. Pictures-ის კინოტრილოგია ჰობიტი.[172]

2014 წლის 6 ნოემბერს ცნობილი გახდა ფილმის სახელწოდება.[173] მიუხედავად იმისა, რომ მასში არ არის შეტანილი ეპიზოდი VII, იგი გამოყენებულია ფილმის შესავალში.[174][175] ბილეთების წინასწარი გაყიდვა დაიწყო 2015 წლის 19 ნოემბერს[176]. მოთხოვნა იმდენად დიდი იყო, რომ დატვირთვის გამო მას მოჰყვა ბილეთების გასაყიდი საიტების გათიშვაც.[177][178] Vue Cinemas-მა, ბრიტანეთის სიდიდით მესამე კინოთეატრების ქსელმა, 45.000 ბილეთი 24 საათის განმავლობაში გაყიდა, აქედან 10.000 - 90 წუთში, რაც თეატრისთვის რეკორდული იყო.[179] აშშ-ში ერთი დღის განმავლობაში წინასწარი გაყიდვების რეკორდი დაამყარეს IMAX-ის 6.5 მილიონი აშშ დოლარის ღირებულების ბილეთებმა. მანამდე IMAX-ის არც ერთ ფილმზე 1 მილიონზე მეტი ღირებულის ბილეთები არ გაყიდულა.[180] საერთო ჯამში წინასწარი გაყიდვებით შემოსულმა თანხამ 50 მილიონზე მეტი აშშ დოლარი შეადგინა - მანამდე ეს მხოლოდ ფილმების შიმშილის თამაშების და ბნელი რაინდი: აღზევება შემთხვევაში მოხდა - 25 მილიონით.[181][182] 14 დეკემბრისთვის გაყიდული ბილეთებიდან შემოსულმა თანხამ შეადგინა 100 მილიონი აშშ დოლარი, რაშიც შედიოდა 50-60 მილიონი წინასწარი გაყიდვებიდან.[183][182] ამასთან, არა მხოლოდ წინასწარი ჩვენებების ბილეთები იყიდებოდა. Fandango-ს პრეზიდენტმა პოლ იანოვერმა განაცხადა: „ხალხი იანვარშიც ფილმზე დასწრებას გეგმავს, დიდი პრემიერიდან კვირების თავზე...ისინი ვარსკვლავურ ომებზე დასასწრებ 2016 წლის ბილეთებსაც ყიდულობენ. ეს არ არის უბრალოდ საპრემიერო შაბათ-კვირის ფენომენი.“[181] ფილმზე დასასწრები ბილეთების მაჩვენებლები რეკორდული იყო გაერთიანებულ სამეფოში,[184] კანადაში[185] და გერმანიაში.[186]

მარკეტინგი

2014 წლის 28 ნოემბერს Lucasfilm-მა გამოაქვეყნა ფილმის 90 წამიანი წინასწარი ტრეილერი. 2014 წლის დეკემბერში იგი ნაჩვენები იქნა აშშ-სა და კანადის რამდენიმე კინოთეატრში და მსოფლიოს სხვა ქალაქებში. ვიდეო აგრეთვე გაავრცელეს YouTube-ზე და iTunes-ის მაღაზიაში[187], რასაც მოჰყვა პირველ კვირაში YouTube-ზე ვიდეოს რეკორდული, 58.2 მილიონიანი ნახვა.[188] კრიტიკოსებმა მოკლე სცენებისგან შედგენილი რგოლი კეთილგანწყობილად შეაფასეს და გაავლეს პარალელები ორიგინალურ ტრილოგიასთან. The Hollywood Reporter-ის აზრით, ტრეილერი იყო „სრულყოფილი პოტენციური ნოსტალგია“. მან აღნიშნა ძველის და ახლის შერწყმა.[189] Empire დადებითად აღნიშნავდა პირველ ფილმებთან კავშირს, კლასიკური ვარსკვლავური ომების შეგრძნებას - მაგრამ ხაზს უსვამდა ჰემილის, ფორდის და ფიშერის არყოფნას, განიხილავდა რა ახალი პერსონაჟების მნიშვნელობას. [190] The Guardian წერდა, რომ ჯონ უილიამსის ვარსკვლავური ომების ფანფარამ მოყვარულებს შორის აღადგინა ბრენდისადმი ერთგულება.[191]

2014 წლის 11 დეკემბერს აბრამსმა და კენედიმ გამოაქვეყნეს Topps-ის რვა ფსევდობარათი, რომელზეც გამოტანილი იყო პერსონაჟების სახელები.[13] 2015 წლის 16 აპრილს გამოვიდა მეორე წინასწარი ტრეილერი, ამჟერად - 2 წუთიანი, რომელიც მანამდე ვარსკვლავური ომების აღნიშვნისას, ანაჰაიმში (კალიფორნია) აჩვენეს. კეთლინ კენედიმ განაცხადა, რომ ტრეილერზე რეაქცია იყო „განსაცვიფრებელი...თითქმის რვა ათას მაყურებლიანი დარბაზი ახტა და იღრიალა, ვერ ვიხსენებ, მანამდე ასეთი რამ სად მინახავს - მხოლოდ როკ-კონცერტზე - რაც ამას ჰგავდა.“[192] ტრეილერმა გამოქვეყნებიდან პირველი 24 საათის განმავლობაში 88 მილიონზე მეტი ნახვა დააგროვა, რაც რეკორდული იყო, ვინაიდან მანამდე, 2014 წლის ნოემბერში ასეთი რეკორდი ჰქონდა 62 მილიონი ნახვის მქონე ტრეილერს ფილმისთვის ფორსაჟი 7.[193][194] გინესის მსოფლიო რეკორდების თანახმად, მეორე ტრეილერი 24 საათის განმავლობაში 30.65 მილიონჯერ იხილეს, რაც YouTube-ზე გამოქვეყნებული ტრეილერების ისტორიაში რეკორდი იყო.[195] ანაჰაიმის ღონისძიება YouTube-ზე, StarWars.com-ზე და კინოთეატრებში Verizon-ის მიერ პირდაპირ ეთერში გადაიცემოდა. ტრეილერში გამოჩნდა რამდენიმე ახალი პერსონაჟი და პირველად - ჩუბაკა და ჰენ სოლო. გრემ მილნი (The Huffington Post) წერდა, რომ „ტრეილერი ადასტურებდა, რომ რაღაც, რაზეც დიდი ხანია, გვეუბნებოდნენ, არ მოხდებოდა. ეს იყო საჩუქარი. ეს იყო რწმენის დაბრუნება. უკვე დროა.“[196]

Vanity Fair იყო პირველი ჟურნალი, რომელმაც ფილმთან დაკავშირებული ექსკლუზიური გარეკანი დაბეჭდა. იგი გამოვიდა 2015 წლის 7 მაისს, ახალი ინტერვიუებით და ენი ლაიბოვიცის მიერ გადაღებული მსახიობებით.[197][198] 2015 წლის San Diego Comic-Con International-ზე, გარდა მსახიობების მონაწილეობით ჩატარებული ღონისძიებისა, ნაჩვენები იქნა კადრები ფილმის გადასაღები მოედნიდან, სადაც ასახული იყო, თუ როგორ იყენებენ პრაქტიკულ დეკორაციებს და ეფექტებს. ვიდეო დადებითად შეაფასეს. ნაიჯელ სმითი (The Guardian) აღნიშნავდა: „სიუჟეტის მასშტაბი მძლავრია და მოყვარულებს პირდაპირ აბრუნებს ორიგინალურ ტრილოგიასთან. მასში აგრეთვე ასახულია ლეიას ახალი გარეგნობა და საიმონ პეგის იდუმალი როლი უცხოპლანეტელის სახით, თუმცა მსახიობები მოქმედებაში არ არიან ნაჩვენები“. სმითმა ფილმის მარკეტინგული სტრატეგია შეადარა აბრამსის წინა ნამუშევარს, სუპერ 8: „პრომოები...აღსანიშნავია იმით, რითაც გაჯავრებენ და არა იმით, რასაც გათქვამენ.“[199]

უოლტ დისნეის სტუდიებმა და Lucasfilm-მა 2015 წლის აგვისტოში, დისნეის D23 Expo-ზე წარადგინეს ფილმის ვიზუალური დეტალები.[200] დრიუ სტრუზანმა, წინა ვარსკვლავური ომების პოსტერების ავტორმა, ამ ღონისძიებაზე დამსწრეთათვის შექმნა სპეციალური პოსტერი.[201] 2015 წლის ოქტომბერში Lucasfilm-მა გამოუშვა ფილმის ოფიციალური კინოპოსტერი და მესამე ტრეილერი. [202] ლუკ სკაიუოკერი პოსტერზე გამოსახული არ იყო, თუმცა, სხვა პერსონაჟებთან ერთად, წარმოდგენილი იყო სიკვდილის ვარსკვლავის მსგავსი სფერო.[203] ინტერნეტში გამოქვეყნებამდე ტრეილერი Monday Night Football-ის შესვენებისას აჩვენეს. [204] სოციალურ მედიაში მოყვარულთა რეაქცია იყო „შეშლილი“. ლიზო მზიმბა (BBC) წერდა, რომ საბოლოო ტრეილერში ყველაზე მნიშვნელოვანი ის არის, რომ ფილმის გამოსვლამდე იგი სიუჟეტურ დეტალებს არ აზიარებს.[205] რობი კოლინი (The Daily Telegraph) წერდა, რომ „ტრეილერი იყო როგორც ძველის, ასევე ახლის შერწყმა, ძველი ვარსკვლავური ომების ესთეტიკის შესანარჩუნებლად.“[206] ტრეილერი 24 საათის განმავლობაში 128 მილიონჯერ იხილეს, რაც ახალი რეკორდი იყო. 16 მილიონი ნახვა მას დაემატა Monday Night Football-ის ეთერში გასული ტრეილერით.[207] ოქტომბრის ბოლოს Air France-მა გამოაცხადა სპეციალური შემოთავაზების „Flight and Cinema“ შესახებ, რომლის ფარგლებშიც მგზავრებს საშუალება ექნებოდათ, პარიზში გადაფრენისას ფილმი ეხილათ (საფრანგეთი ერთ-ერთი პირველი ქვეყანა იყო, სადაც ძალა გამოვიდა).[208] 6 ნოემბერს ფილმის იაპონური ტრეილერი გავრცელდა.[209][210] ახალი ტრეილერის ხილვის შემდეგ ოლი ბარდერი (Forbes) ამბობდა, რომ მან იმედი მისცა, რომ „ფილმი არ გაუცრუებდა იმედს, როგორც წინა ნაწილები...ამჯერად უკვე ღირებული ამბით.“ [211] 23 ნოემბერს ცნობილი გახდა Google-თან პარტნიორობის შესახებ, რის ფარგლებშიც უკანასკნელის მომხმარებლებს შეეძლოთ ძალის ბნელი ან ნათელი მხარის არჩევა, რაც აისახებოდა მათ მიერ მოხმარებულ Google-ის პროდუქტებზე. ამასთან, დისნეიმ და Verizon-მა Google Cardboard-ისთვის ერთად შექმნეს ვირტუალური რეალობა ვარსკვლავური ომების სტილში.[212]

პროდუქცია

Disney Publishing Worldwide-მა და Lucasfilm-მა გამოაცხადეს 20 ფიზიკური და ელექტრონული წიგნის გამოცემის შესახებ, სერიიდან ვარსკვლავური ომები: ძალა იღვიძებს. 2015 წლის ბოლოს, ფილმამდე, დაიწყო მათი გამოცემა. სერიაში შეტანილია Del Rey-ს წიგნები და დისნეის/Lucasfilm-ის კომიქსები, აგრეთვე გამოცემული Marvel Comics-ის მეშვეობით. ყველა გამოცემა ითვლება ვარსკვლავური ომების სამყაროს კანონიკური ქრონოლოგიის ახალ ნაწილებად. [213] პირველი, შედეგები გამოვიდა 2015 წლის სექტემბერში. მისი ავტორია ჩაკ უენდიგი. აქ მოთხრობილი ამბის მოვლენები მიმდინარეობს ჯედაის დაბრუნების შემდეგ. აღწერილია პალპატინის და დართ ვეიდერის აღსასრულის შედეგად დატრიალებული მოვლენები, ისევე, როგორც მეამბოხეთა ძალების შემდგომი ცხოვრება. იგი არის პირველი რომანების სერიაში, რომელიც ორიგინალურ ტრილოგიას და ძალას აკავშირებს.[214] ალან დინ ფოსტერი ფილმის მომავალი ნოველიზაციის ავტორია.[215]

Disney Consumer Products-ის და Lucasfilm-ის მიერ 2015 წლის 4 სექტემბერი გამოცხადდა, როგორც ძალის პარასკევი. ამ დღეს გაყიდვაში გამოვიდა ფილმთან დაკავშირებული პროდუქციის სრული სპექტრი. აშშ-ის დროით დილის 12:01-დან მოყვარულებს შეეძლოთ სათამაშოების, წიგნების, ჩაცმულობის და სხვადასხვა პროდუქტის შეძენა, როგორც Disney Store-ში, აგრეთვე მსოფლიო მასშტაბით სხვა ქსელებში.[216] YouTube-ზე გავიდა 18 საათიანი პრეზენტაცია, მომზადებული დისნეის და Maker Studios-ის მიერ. მის ფარგლებში უჩვენეს რამდენიმე პროდუქტი.[217][218] მათ შორის იყო Sphero-ს მიერ შემუშავებული დისტანციურად მართვადი BB-8[146]. Sphero მონაწილეობდა კამპანიაში, რომელიც დისნეიმ წამოიწყო და სხვადასხვა შემოთავაზებულ პროექტს განიხილავდა. უკვე ფილმის გადაღებისას კომპანიის წარმომადგენლები პირადად შეხვდნენ დისნეის აღმასრულებელ დირექტორ ბობ აიგერს, იხილეს რა დროიდის სურათები გადასაღები მოედნიდან. მოგვიანებით დროიდი საჯაროდ იქნა წარდგენილი.[219][220] მოთხოვნა ფილმთან დაკავშირებულ პროდუქციაზე იმდენად მაღალი იყო, რომ რამდენიმე ქსელმა ვერ შეძლო ყველა მყიდველის დროულად მომსახურება.[221]

რეაქცია

სალაროები

2016 წლის 7 იანვრისთვის ფილმის შემოსავალმა მსოფლიო მასშტაბით შეადგინა 1.557 მილიარდი აშშ დოლარი, 200 მილიონიანი ბიუჯეტით.[222]

ჩვენებები

ძალა იღვიძებს ჩრდილოეთ ამერიკის კინოთეატრებში გამოვიდა 2015 წლის 18 დეკემბერს. ხუთშაბათის ღამის ჩვენებებიდან შემოვიდა 57 მილიონი აშშ დოლარი, რაც 2011 წელს ფილმის ჰარი პოტერი და სიკვდილის საჩუქრები - ნაწილი 2 პირველ შემოსავალზე (43.5 მილიონი) უფრო მეტი იყო. 47% აქედან 3D ვერსიის შემოსავალზეა. IMAX-ის ვერსიის შემოსავალმა 391 ეკრანიდან 5.7 მილიონი შეადგინა (მანამდე ფილმმა შურისმაძიებლები: ულტრონის ეპოქა IMAX-ში 3 მილიონი შეკრიბა).[223]

2015 წლის 16 დეკემბერს ფილმი გამოვიდა 12 ქვეყანაში და შეაგროვა 14.1 მილიონი აშშ დოლარი.[224] 17 დეკემბერს ამას დაემატა 42 ქვეყანა და ორი დღის შედეგებით - 58.6 მილიონი აშშ დოლარი, საერთო ჯამში კი - 72.7 მილიონი აშშ დოლარი. 44 ქვეყანაში ფილმი გაყიდვებით პირველი იყო. [225] გაერთიანებულ სამეფოში მან ახალი რეკორდი დაამყარა, 3.6 მილიონი აშშ დოლარის შემოსავლით.[226] საერთო ჯამში, იგი რეკორდული მაჩვენებლებით გავიდა ბრიტანეთში, ირლანდიაში და მალტაში (14.3 მილიონი აშშ დოლარი), გერმანიაში (7.1 მილიონი აშშ დოლარი), ავსტრალიაში (6.8 მილიონი აშშ დოლარი), შვედეთში (1.7 მილიონი აშშ დოლარი), ნორვეგიაში (1.1 მილიონი აშშ დოლარი) და თოთხმეტ სხვა ქვეყანაში.[226][224][223][227]

ვარაუდები

დაახლოებით 200 მილიონი აშშ დოლარის ოდენობის ძირითადი ბიუჯეტითთარგი:Refn, ვარაუდობდნენ, რომ ძალას ექნებოდა დიდი კომერციული წარმატება.[228][229][183] 2015 წლის აპრილში The Hollywood Reporter-ის და Amboee Brand Intelligence-ის მიერ გამოქვეყნდა ვარაუდი, რომ ფილმი გამოსვლის დღეს მსოფლიოში 540 მილიონი აშშ დოლარის ოდენობის შემოსავალს შეაგროვებდა და მანამდე არსებულ რეკორდებს გადააჭარბებდა (შედარებისთვის, 2015 წლის ივნისში პირველივე დღეს 524.1 მილიონის ოდენობის შემოსავალი მოჰყვა იურული სამყაროს მსოფლიო პრემიერას), ისევე, როგორც აშშ პრემიერის რეკორდს (რომელიც აგრეთვე იურულ სამყაროს ეკუთვნის, 208.8 მილიონი აშშ დოლარით). მათი აზრით, ძალა იღვიძებს იყო ყველა დროის ყველაზე ფართო პრემიერა, ჩრდილოეთ ამერიკაში 4500 კინოთეატრით. (მანამდე რეკორდი ჰქონდა ფილმს ბინდის საგა: დაბნელება, 4468 კინოთეატრით).[230] სალაროების ანალიტიკოსი ფილ კონტრინო ძალას ადარებდა ავატარს, რომელსაც ჩრდილოეთ ამერიკაში 77 მილიონის ოდენობის შემოსავალი ჰქონდა, ხოლო მსოფლიო მასშტაბით - 2.8 მილიარდი. მისი აზრით, ძალა შემქმნელებს „თვალის დაუხამხამებლად“ 1 მილიარდიან შემოსავალს მოუტანდა და გადააჭარბებდა 2 მილიარდსაც.[230] 2015 წლის აგვისტოში Deadline.com-მა იწინასწარმეტყველა საპრემიერო შაბათ-კვირის პერიოდში მსოფლიო მასშტაბით შესაძლო 615 მილიონიანი შემოსავალი, რაშიც შევიდოდა 300 მილიონიანი საპრემიერო შაბათ-კვირა ჩრდილოეთ ამერიკაში.[231] ნოემბერში ანალიტიკოსებმა გამოთქვეს ვარაუდი, რომ შაბათ-კვირის შემოსავლები 175-250 მილიონს შეადგენდნენ.[232][169][233] დეკემბერში ანალიტიკოსმა ბარტონ კროკეტმა ივარაუდა, რომ ეს იქნებოდა ფილმი, რომლის შემოსავალი სალაროებში 3 მილიარდს გადააჭარბებდა.[234] ანალიტიკოსებმა, ამავე დროს, აღნიშნეს, რომ გაყიდული ბილეთების შემოსავალი გამოთვლილი უნდა ყოფილიყო ინფლაციის გათვალისწინებით, რის თანახმადაც, ვარსკვლავური ომების პირველ ფილმზე დასასწრები უფრო მეტი ბილეთი გაიყიდა. [235] აგრეთვე აღსანიშნავია, რომ ყოველი ფილმი სერიის პირველი სამიდან უფრო შემოსავლიანი იყო, წარმოებაზე დახარჯულ თანხებთან მიმართებაში.[235] პოლ დერგარაბედიანი, ჰოლივუდის ერთ-ერთი ცნობილი ანალიტიკოსი, აღნიშნავდა, რომ მიუხედავად იმისა, რომ ავატარიც და ძალაც 18 დეკემბერს გამოვიდა, 2015 წლის ბილეთების გაყიდვების მაჩვენებლებს და IMAX-ის ჩვენებებს ვარსკვლავური ომების „სალაროების სტრატოსფეროში გადაგდება“ შეეძლოთ.[236]

კრიტიკოსთა გამოხმაურებები

მიმოხილვების აგრეგატორ საიტზე Rotten Tomatoes ძალა იღვიძებს ფლობს 95%-იან რეიტინგს 264 მიმოხილვის საფუძველზე, საშუალო რეიტინგით 8.3/10. საიტის კრიტიკული შეჯამება ასეთია: „სავსე მოქმედებით და გამდიდრებული როგორც ნაცნობი სახეებით, აგრეთვე ახალი პერსონაჟებით, ძალა იღვიძებს წარმატებით უბრუნდება სერიის წარსულ დიდებას, მისი ამავე დროს ახალი ენერგიით შევსებით.“[237] Metacritic-ზე ფილმს აქვს 100-დან 81 ქულა, დაფუძნებული 51 კრიტიკოსის გამოხმაურებაზე, რაც „უნივერსალურ აღიარებას“ ნიშნავს.[238] CinemaScore-ზე მომხმარებლებმა ძალას მიანიჭეს სხვადასხვა რეიტინგი, A-დან A+-მდე და F-მდე. 25 და 18 წელზე უმცროსი მდედრობითი სქესის მაყურებლებმა მას A+ მიანიჭეს, ხოლო ზოგადად მაყურებლების 98 პროცენტმა - A ან B.[239]

რობი კოლინის (The Daily Telegraph) მიმოხილვაში ფილმს ხუთი ვარსკვლავი მიენიჭა. მისი აზრით, იგი „ვარსკვლავურ ომებს აღვიძებს და სერიას უკავშირებს მათ, ვისაც მოსწყურდა ძველი დრო. ის, რომ იგი ამას უმალვე და ხალისიანად ახერხებს, მიწურული კინო-წლის ერთადერთი უდიდესი შეღავათია.“[240] პიტერ ბრედშოუმ (The Guardian) მას აგრეთვე ხუთიდან ხუთი ვარსკვლავი მიანიჭა, აღნიშნავდა რა, რომ „ეს არის თხრობითი პროგრესი ადრეული სამი ფილმის შემდეგ და გამჭრიახი გადატვირთვა შემდეგი თაობისთვის ...სასაცილო და მელოდრამატული, ამავე დროს, რა თქმა უნდა, სენტიმენტალურიც, მაგრამ ამაღელვებელი და ენერგიით და საკუთარი სიუხვით სავსე“.[241] ჯასტინ ჩენგი, Variety-დან, წერდა, რომ ფილმი სავსეა „დამაკმაყოფილებელი სტილით, იმპულსით, სიყვარულით და ზრუნვით, რათა გაუძლოს ნებისმიერი ადამიანის კრიტიკას, რომელიც თავს მოყვარულად თვლის.“[242] რიჩარდ რეპერი, Chicago Sun-Times-იდან, ფილმს საკუთარ მიმოხილვაში ანიჭებს ოთხიდან ოთხ ვარსკვლავს, აღწერს რა მას, როგორც „მშვენიერ, სენსაციურ, ხალისიან, მოულოდნელ და გულის ამაჩუყებელ თავგადასავალს.“[243] ტომ ლონგი, The Detroit News-იდან წერს, რომ მიუხედავად იმისა, რომ ზოგიერთისთვის ძალა იქნება ორიგინალური ვარსკვლავური ომების მსგავსი, „წინა ნაწილების უხეში და უადგილო მოუქნელობა მისგან შორს არის ...ენერგია, იუმორი და რეჟისურის სიმარტივე დაბრუნდა.“[244] Associated Press-ის აზრით, იგი არის „თითქმის იგივე“, რაც ორიგინალური ფილმი, მაგრამ „ეს ხომ მაინც ის არის, რაც გვინდოდა, არა?“[245]

ენ ჰორნიდეი, The Washington Post-იდან, წერდა, რომ ფილმს გააჩნია „საკმარისი სიახლეები, რათა წარმოშვას ახალი ერთგული მოყვარულების კოჰორტა ...ძალა იღვიძებს ეხება მგრძნობიარე სიმებს, ემოციურად და თხრობით, რათა იგრძნოთ როგორც ნაცნობი, ასევე მხნე ხმაურიანი ახალი.“ [246] კინოკრიტიკოსი კრისტოფერ ორი The Atlantic-ში წერდა, რომ ფილმი არის „ნარევის შედევრი“, რომელიც „შესაძლოა, მთლიანად ნასესხებია“, მაგრამ „მიუხედავად ამისა, სასიამოვნო.“[247] The Charlotte Observer-ის ლოურენს ტოპმენის აზრით, აბრამსმა „შექმნა ნაზად დაბალანსებული მოქმედება, წარსულისადმი ჭკვიანური პატივისცემით“.[248] მიკ ლასალე, San Francisco Chronicle-დან, საკუთარ მიმოხილვაში ფილმს უმაღლეს შეფასებას აძლევს. მისი აზრით, იგი დღეისთვის „ვარსკვლავური ომების საუკეთესო სიკველი და 2015 წლის ერთ-ერთი საუკეთესო ფილმია.“[249] The Daily Mail-ში ბრაიან ვაინერმა ძალას მიანიჭა ხუთიდან ოთხი ვარსკვლავი. იგი წერდა, რომ ეს არის „ესკაპიზმის ტრიუმფი და ყველაზე ხმაურიანი ფილმი ამ დიდებულ ფრენჩაიზში.“[250] ფრენკ პალოტა, CNN Money, თვლის, რომ ორიგინალური ტრილოგიის შემდეგ ეს არის ვარსკვლავური ომების საუკეთესო ფილმი, რომ „უნდა იყოს ფილმი, რომელსაც მოყვარულებიც და არამოყვარულებიც დიდი ხნით დაიმახსოვრებენ.“[251] ამერიკის კინოინსტიტუტმა ძალა შეიტანა 2015 წლის AFI-ს ნომინანტების სიაში, რომელშიც თავი წლის 10 საუკეთესო ფილმს მოუყარა.[252]

საპირისპიროდ, ენდრიუ ო'ჰეირი საიტ Salon-ზე წერს, რომ ფილმი არის „ნიჭიერი მიმბაძველის ან მუცელმოგვის ნამუშევარი, ადამიანის, რომელსაც საკუთარი სათქმელი არ აქვს.“[253] სტეფანი ზაქარეკი, TIME: „ფილმის მსვლელობისას აბრამსი იწყებს ყველაფრის ჩვენებას, რაც გვსურს, და არა იმას, რაც არ ვიცოდით, რომ გვსურდა.“[254] Forbes-ში სკოტ მენდელსონი აღნიშნავს „უმაღლესი დონის წარმოების ღირებულებას და მასშტაბის და არეალის ძლიერ გრძნობას“, მაგრამ, მისი აზრით, ფილმი იმდენად „ცდის მოყვარულებს, რომ მხოლოდ ახალი მსახიობების და ჯეი ჯეი აბრამსის, როგორც ვიზუალური მთხრობელის უდავო ნიჭის გამოა, რომ Mad Libs-ის ტიპის თხრობა მთლიანად არ ანადგურებს ფილმს.“[255]

ჯილდოები

წელი ჯილდო / ფესტივალი კატეგორია მიმღები შედეგი სქოლიო
2015 ამერიკის კინოინსტიტუტის ჯილდო ამერიკის კინოინსტიტუტის ჯილდო ვარსკვლავური ომები: ძალა იღვიძებს თარგი:Won [256]
2015 კრიტიკოსების არჩევანის კინო დაჯილდოება საუკეთესო სურათი თარგი:Pending [257]
2015 ფლორიდის კინოკრიტიკოსთა წრის დაჯილდოება საუკეთესო ვიზუალური ეფექტები თარგი:Nom [258]
საუკეთესო კინომუსიკა ჯონ უილიამსი თარგი:Nom
Breakout Award დეიზი რიდლი თარგი:Won

გაგრძელება

თარგი:მთავარი

2014 წლის 20 ივნისს ცნობილი გახდა, რომ მიმდინარეობდა მოლაპარაკება რეჟისორ რაიან ჯონსონთან, რომელიც იმუშავებდა მერვე ეპიზოდის სცენარსა და მეცხრე ეპიზოდის სიუჟეტზე. [259][260] 2014 წლის აგვისტოში მან თავად დაადასტურა, რომ იქნებოდა მერვე ეპიზოდის რეჟისორი. [144] უკანასკნელის, ისევე, როგორც მეშვიდეს გადაღებები ლონდონში გაიმართება. [261][262] მეორე გადამღები ჯგუფი 2015 წლის სექტემბერში ირლანდიაში მუშაობდა, ხოლო ძირითადი გადაღებები დაიწყება 2016 წლის მარტში.[262][263] ფილმი მსოფლიო მასშტაბით გამოვა 2017 წლის 26 მაისს.[264] ჰემილი,[265] აიზეკი,[266] კრისტი[267] და ბოიეგა დაბრუნდებიან ლუკ სკაიუოკერის, პო დემერონის, კაპიტან ფაზმას და ფინის როლებში.[268] 2015 წლის აგვისტოში ცნობილი გახდა, რომ ეპიზოდ IX-ის რეჟისორი იქნებოდა კოლინ ტრევოროუ.[269]

იხილეთ აგრეთვე

რესურსები ინტერნეტში

თარგი:Commonscat-inline

სქოლიო

შენიშვნები

თარგი:სქოლიოს სია

წყაროები

თარგი:ეპიზოდი VII თარგი:ვარსკვლავური ომები


ციტირების შეცდომა <ref> tags exist, but no <references/> tag was found

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki